Plantun de Prouvènço

Pèr coumpara dos planto d'encò nostre

Brachypodium distachyon & Aquilegia atrata

Brachypodium distachyon

Poaceae Graminaceae

Nom en français : Brachypode à deux épis.

Descripcioun :
Aquéu Brachypodium, planto de l'an, èi bèn pichot (10 à 20 cm), fai pas de mato nimai de rizoumo. Coume lou dis soun noum, a, mai pas toujour, dos espigo bèn barbudo pèr cambo. Se destrìo de si cousin de l'an, en mai de la taio (meno óuriginalo à 2n) que si fueio soun courto (< 3 cm), cihado emé mens de 12 costo que se vèson à l'iue nus. Coumpara emé la bauco-bastardo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium distachyon (L.) P.Beauv., 1812

Galantino(-negrinello)

Aquilegia atrata

Ranunculaceae

Àutri noum : Aglantino, Gant-de-pastresso, Erbo-de-Nosto-Damo.

Nom en français : Ancolie noirâtre.

Descripcioun :
La galantino-negrinello es uno poulido planto que trachis au nostre subretout en basso mountagno. Pèr la destria de si cousino fau regarda lis estamino dóu dedins que dèvon pas s'acaba en pouncho (un pau redouno-fotò). En mai d'acò aquéstis estamino despasson li petalo de mai de 3 mm. Après li flour soun mai founso e un pau pu pichoto qu'encò de Aquilegia vulgaris. Pensa de coumpara en quichant sus la flècho verdo aqui souto.

Usanço :
Poudèn pensa qu'a li mémi prouprieta que Aquilegia vulgaris.